İstəyirəm ki, “Qızıl top”u o alsın - Pike
"Barselona”nın müdafiəçisi Xerard Pike Çempionlar Liqasının finalında
"Yuventus”a azarkeşlik edəcək.
Kaspi.az xəbər verir ki, Pike "Yuventus”a uğur arzulayıb. O, bu il
"Qızıl top”un "Yuven”in qapıçısı Buffona verilməsini arzuladığını da
vurğulayıb:
"Meydanda iki güclü komandanın mübarizəsinə şahidlik edəcəyik.
"Yuventus” artıq bir neçə ildi ki, əla futbol nümayiş etdirir və Avropanın ən
güclü klubları arasındadır.
"Yuve”nin heyətində dahi futbolçu - Buffon var. Karyerasını və bu
mövsümdəki oyununu nəzərə alsaq, o, qələbəyə layiqdir. İstəyirəm ki, Buffon
Yaşindən sonra "Qızıl top”u alan ilk qapıçı olsun.
Buffon Çempionlar Liqasında qələbəyə doğru irəliləyir. "Yuve”də daha
bir dostumuz - sabiq həmklubum Dani Alves də var. Onu qalib kimi görmək
istəyirəm”.
Lev Yaşin "Qızıl topu” qazanan yeganə qapıçıdı. Çempionlar Liqasının
finalı iyunun 3-də Kardiffdə keçiriləcək.