İsrail klubu Türkiyə səfərindən imtina etmək istəyir

Avropa Liqasının 1/16 final mərhələsində Türkiyənin "Beşiktaş" klubu ilə qarşılaşacaq İsrail "Hapoel"i İstanbula səfər etməkdən imtina etmək niyyətindədir. "Report"un məlumatına görə, Beer Şeva təmsilçisi oyunun Türiyədə keçirilməsinin əlehinədir.
Klubun son vaxtlarda ardarda terror hadisələri yaşanan Türkiyədə oyun keçirilməməsi üçün UEFA-ya müraciət edəcəyi bildirilib. Komanda görüşü başqa ölkədə keçirmək istəyir.
Qeyd edək ki, "Beşiktaş" - "Hapoel" oyunu fevralın 23-də İstanbulda keçiriləcək.