İran Azərbaycanın iştirakı ilə Fars körfəzini Qara dənizlə birləşdirəcək nəqliyyat dəhlizi yaratmaq istəyir

İran Fars körfəzini Qara dənizlə birləşdirəcək nəqliyyat dəhlizi yaratmaq istəyir.

APA-nın "Georgia Online” saytına istinadən verdiyi məlumata görə, bunu İran xarici işlər naziri Məhəmməd Cavad Zərif gürcüstanlı həmkarı Mixail Canelidze ilə görüşü zamanı deyib.

"Fars körfəzini Qara dənizlə birləşdirəcək nəqliyyat dəhlizinin yaradılması insanların daha da yaxınlaşmasına töhfə verəcək. Onun yaradılmasında Gürcüstan, İran, Ermənistan və Azərbaycan iştirak etməlidir”, - deyə iranlı nazir bildirib.

M. Zərif Gürcüstan baş naziri Georgi Kvirikaşvilinin yaxın günlərdə İrana səfərini səbirsizliklə gözlədiyini deyib.