İqtisadiyyat Nazirliyində növbəti "Açıq qapı" günü keçirilib
İqtisadiyyat Nazirliyində "Açıq hökümətin təşviqinə dair 2016-2018-ci
illər üçün Milli Fəaliyyət Planı”na uyğun olaraq müxtəlif formatlı tədbirlər keçirilir.
Növbəti
belə tədbir - "Açıq qapı" günü aprelin 26-də Azərbaycan Gənclər
Təşkilatları Milli Şurasının üzvləri üçün təşkil olunub. Gənclər Təşkilatları
Milli Şurasına üzv olan 10-dan çox təşkilatının nümayəndələrinə İqtisadiyyat
Nazirliyinin fəaliyyət istiqamətləri barədə ətraflı məlumat verilib, təqdimat
keçilib.
Sonra
tədbir iştirakçıları İqtisadiyyat Nazirliyinin 195-2 Çağrı Mərkəzinin iş
prosesi ilə əyani şəkildə tanış olublar.
Tədbir
iştirakçıları ilə əməkdaşlığın davam etdirilməsi istiqamətləri barədə
müzakirələr aparılıb, bu cür tədbirlərin Nazirliyin fəaliyyəti ilə bağlı dolğun
və geniş informasiya əldə olunmasında, vətəndaş cəmiyyəti ilə əlaqələrin
genişlənməsində əhəmiyyəti vurğulanıb.