“İqtibaslar” kitabının növbəti sayı işıq üzü görüb
"İqtibaslar: Azərbaycan Prezidenti İlham Əliyev dövlət quruculuğunun əsas istiqamətləri haqqında"kitabının növbəti sayı işıq üzü görüb. Eyni
zamanda sözügedən vəsaitin elektron versiyası (www.azleadersays.com/az) da oxucuların ixtiyarına verilib.
Yeni kitab və onun elekton versiyası oxuculara prezident İlham Əliyevin dövlət
quruculuğuna dair əsas məsələlər barədə nə düşündüyü haqda məlumat əldə etmək
imkanı verir. Burada Cənubi Qafqazın aparıcı ölkəsinin birinci şəxsinin
demokratik proseslər, xarici siyasət, münaqişələr, təhlükəsizlik problemləri,
terrorçuluqla mübarizə, iqtisadiyyat, dünya ictimaiyyətinə inteqrasiya,
roegional layihələr və sair haqqında ən vacib sitatları yer alır. Bu informasiya
məhsulu həm yerli, həm də əcnəbi diplomatlar, politoloqlar, dövlət və ictimai
xadimlər, analitiklər, alimlər, gənc mütəxəssislər və digərləri üçün Azərbaycan
prezidentinin baxışları və prinsiplərinin toplandığı faydalı mənbədir. Kitab və
onun elektron versiyası informasiya məkanının sistemləşdirilməsi, Azərbaycan
prezidentinin dəqiq fikirlərini birinci ağızdan geniş ictimaiyyətə çatdırılması
məqsədilə hazırlanıb.
Qeyd edək ki,
analitiklər üçün də ən yaxşı mənbə, dövlətin birinci şəxsinin mövqeyi, onun
səsləndirdiyi arqumentlər, plan və perspektivlərdir. Bu baxımdan, "İlham
Əliyevdən"İQTİBASLAR":
Azərbaycan Prezidenti dövlət quruculuğunun əsas istiqamətləri haqqında"
kitabının yaradılması zərurəti ortaya çıxıb. Kitabda prezident İlham Əliyevin
ən vacib bəyanatları və xüsusi diqqət cəlb edən sitatları siyasi redaktəsiz və
şərhsiz dərc edilib. Burada dünyanın maraqları kontekstində Azərbaycanı narahat
edən bütün problemlərlə bağlı dövlət başçısının fikirləri öz əksini tapıb. Oxucu Azərbaycan prezidentinin xarici siyasət və
iqtisadiyyat prioritetləri, geosiyasi və geoiqtisadi layihələr, münaqişələrin
həlli prinsipləri, demokratiya və insan haqları məsələlərinə baxışı, dünya
birliyinə inteqrasiya, sabitlikdən inkişafa keçid proqramı və bir çox digər
məsələlərlə tanış olmaq imkanı qazanır.
Onu da əlavə edək ki, bu toplu Azərbaycanı dünyada gedən qlobal proseslər
kontekstində tədqiq etmək istəyənlər üçün də qiymətli mənbə və stolüstü kitaba çevriləcək. Burada
ölkənin regional əhəmiyyətini, inkişaf templərini, iqtisadi və sosial
inkişafını araşdırmaq niyyətində olan xarici diplomatlar, politoloqlar,
alimlər, tələbələr üçün çox qiymətli və əhatəli materiallar əksini tapıb. Tədris
vəsaiti funksiyalarına malik olan bu kitabda prezident İ.Əliyevin çıxışları
tematik bloklarla verilib ki, bu da məlumat axtarışını, araşdırmanı və
müqayisəli təhlili asanlaşdırır, bu və ya digər mövzunun inkişafını ardıcıl
şəkildə izləməyə imkan verir. Azərbaycanın inkişafının vacib mərhələlərini
əhatə edən bu nəşr suveren ölkəmizin tarixşünaslığına əvəzsiz töhvələr verəcək.