“İnter” ona görə 50 milyon verir
"İnter” PSJ-nin futbolçusu Anxel Di Mariyanı transfer etmək niyyətindədi.
Kaspi.az xəbər verir ki, "İnter” 29 yaşlı argentinalıya görə 50
milyon avro ödəməyə hazırdır. Transfer baş tutacağı təqdirdə, Di Mariya ildə
7,5 milyon avro məvacib alacaq.
Onunla 4 illik müqavilə imzalamaq planlaşdırılır. Di Mariya ötən
mövsüm Fransa çempionatında 29 oyun keçirib, 6 qol vurub. O, Çempionlar
Liqasında keçirdiyi 7 oyunda 4 qol vurub, 1 qol ötürməsi edib.