İngilislər Rusiyada qalacaqları oteli müəyyənləşdirdilər
İngiltərə yığması Sloveniyaya 1:0 hesabı ilə qalib gələrək DÇ-2018-ə
vəsiqəni təmin edib. Ancaq ingilislər hələ bu oyuna qədərə mundiala vəsiqə
qazanacaqlarına əmin olublar.
Kaspi.az xəbər verir ki, İngiltərə yığması Sloveniya ilə oyundan
əvvəl Rusiyada keçiriləcək DÇ zamanı qalacaqları oteli müəyyənləşdiriblər.
İngilislər Sankt-Peterburqdan 45 dəqiqəlik məsafədə, sakit bir guşədə
olan baza seçiblər. Bu məkanı yığmanın baş məşqçisi Qaret Sautqeytin şəxsən
bəyəndiyi bildirilir.
Otel Fin körfəzinin sahilində yerləşir. Ən ucuz nömrənin bir günü
ingilslərə 106 avroya başa gələcək. Otelda basseyn, trenajor zalı, spa-salon və
bar var.