Çində koronavirusdan ölənlərin sayı 2236-a çatıb

Çində yeni koronavirus qurbanlarının sayı 2236 nəfərə qədər yüksəlib, 18 264 nəfər sağalıb.
Trend-in məlumatına görə, bu barədə Çin Dövlət Səhiyyə Komitəsi bildirib.
Məlumata əsasən, sutka ərzində koronavirusun səbəb olduğu xəstəlikdən 118 ölüm hadisəsi qeyd edilib, 2109 nəfər xəstəxanadan evə buraxılıb.
Çində yeni tip koronavirus virusuna yoluxanların ümumi sayı gündə 889 nəfər artaraq 75,4 min nəfəri keçib.
Çin hakimiyyəti qeyd edib ki, 31 vilayətin ərazisində hazırda 54,965 nəfər xəstələnib, onlardan 11,6 mininin vəziyyəti ağır kimi qiymətləndirilir.