Çin 900-ə qədər mal üçün idxal vergisini müvəqqəti azaldıb

Çin 850-dən çox mal üçün idxal vergisini müvəqqəti azaltdığını bəyan edib.
APA-nın TASS agentliyinə istinadən verdiyi məlumata görə, qərar bu gündən qüvvəyə minir.
Dondurulmuş donuz əti, bəzi meyvələr və portağal şirəsinə vergi yeni qaydada tətbiq olunacaq. Tərkibində alkaloid olan dərman vasitələri, o cümlədən yeni diabet dərmanlarının istehsalı üçün nəzərdə tutulan xammallar vergidən azad edilib.
Çin hökuməti bu addımın idxalın genişləndirilməsi və strukturunun optimallaşdırılması məqsədilə atıldığını bildirib.