Bakı 21°C
İğdır Universitetinin rektoru AMEA Naxçıvan Bölməsində olub
Türkiyənin
İğdır Universitetinin rektoru, professor Mehmed Hakkı Alma AMEA Naxçıvan
Bölməsində olub.
Naxçıvan
Bölməsinin sədri, akademik İsmayıl
Hacıyev
qonağa rəhbərlik etdiyi elmi müəssisənin yaranma tarixi, strukturu, fəaliyyəti barədə
məlumat verərək aparılan araşdırmaların əhəmiyyətindən söz açıb. Bildirib ki,
Naxçıvan Bölməsi Türkiyənin bir çox elmi qurumları ilə sıx əməkdaşlıq edir.
Professor Mehmed Hakkı Alma isə son illərdə iki qardaş
ölkə arasında elmi əlaqələrin genişləndiyini vurğulayıb.
Görüş zamanı iki qurum arasında əməkdaşlıq
protokolunun imzalanması barədə razılıq əldə olunub.
Mehmed Hakkı Alma, həmçinin bölmənin Nəbatat bağı ilə də yaxından tanış olub. Rektora burada
nadir və nəsli kəsilməkdə olan bitki növlərin artırılması və bitkilərin qorunması irtiqamətində
görülən işlər barədə məlumat verilib. Daha
sonra qonaq bağının ərazisindəki istilikxanada nümayiş etdirilən tropik,
subtropik, ekvatorial və digər bitki növlər ilə tanış olub.
Sonda türkiyəli qonağa III cilddə
"Naxçıvan Tarixi”, "Naxçıvan abidələri ensiklopediyası” (Azərbaycan və ingilis
dillərində), "Naxçıvan
Muxtar Respublikasının dərman bitkiləri”, III cilddə "Naxçıvan folklor
antologiyası”, "Behbud ağa Şahtaxtinski: sənədlər və materiallar”, "AMEA Naxçıvan Bölməsi haqqında” kitablar hədiyyə verilib.
