“Hüquq-mühafizə orqanlarından qovulanların vəkilliyə başlamaları araşdırılmalıdır”

"Hüquq-mühafizə orqanlarından oğruluq, rüşvət üstündə qovulanlar sonradan vəkil olurlar”.

APA-nın məlumatına görə, bunu Milli Məclisin bugünkü iclasında Yeni Azərbaycan Partiyasının (YAP) icra katibinin müavini, deputatSiyavuş Novruzovdeyib.

Millət vəkili əlavə edib ki, bu məsələ araşdırılmalıdır və nəzarətdə saxlanılmalıdır: "Onlar necə vəkil ola bilər? Həmin şəxslər vəkillik edərkən də qaranlıq yollar axtaracaq. Bunlar hüquqlarının müdafiə etdiyi şəxslərinin hüququnu qorumaq əvəzinə, hakimlə qeyri-qanuni danışığa cəhd edir, şantaj edir və s. Onlar vəkil adına ləkədir. Burada müştərisinin hüququnu müdafiə edə bilmir, guya Avropaya üz tutur. Parta arxasında oturanlar belə "vəkil”lərdən daha ciddidir”.