“Hindular” hazırdır - Onu ən ödənişli futbolçu etməyə
Madrid "Atletiko”su hücumçusu Antun Qrizmannı komandada saxlamaq üçün
bütün mümkün variantlardan yararlanmaq niyyətindədir.
Kaspi.az xəbər verir ki, "hindular” Qrizmannın məvacibini artırmağa,
onu klubda ən ödənişli futbolçu statusuna qaldırmağa hazırdı. Qüvvədə olan
müqaviləyə görə, Qrizmannın illik məvacibi 8 milyon avrodur. Ancaq rəhbərlik
onun illik məvacibini 12 milyon avroya qaldırmağı planlaşdırır.
Belə olacağı halda, 26 yaşlı futbolçu hamıdan yüksək məvacib alacaq.
Qrizmannla "Mançester Yunayted” və "Real” ciddi maraqlanır. Onu almaq istəyən
klub 100 milyon avro ödəməlidir.
Qrizmann bu mövsüm İspaniya çempionatında 33 oyun keçirib, 16 qol
vurub, 7 qol ötürməsi edib.