Heyətə salınmadığını sosial şəbəkədən öyrənir

"Mançester Yunayted”in qapıçısı Serxio Romero qəribə durumla üzləşib.

Kaspi.az xəbər verir ki, argentinalı qapıçı İngiltərə Premyer Liqasının və ÇL-in oyunları üçün sifariş edilməyib. Ancaq futbolçu bu xəbəri sosial şəbəkədən öyrənib.

Məşqçilər korpusu və klub rəsmiləri bu barədə futbolçunu məlumatlandırmağı vacib hesab etməyiblər. Romero "Mançester Yunyated”ə 2015-ci ildə "Sampdoriya”dan keçib. Həmin vaxt De Xeanın klubu tərk edəcəyi gündəmdə idi.

Ancaq De Xea klubda qaldı və argentinalı qapıçı da ehtiyatda oturmalı oldu. O, ancaq kubok oyunlarında meydana çıxır.