Həkimlər əməliyyat otağında futbola baxdılar, ara qarışdı - Video
Konfederasiyalar Kubokunun yarımfinalında keçirilən Çili-Portuqaliya
qarşılaşması böyük marağa səbəb olub.
Kaspi.az xəbər verir ki, oyuna xüsusən də Çilidə böyük maraq olub.
Qalibin penalti seriyasında müəyyənləşdiyi qarşılaşmanı çilili həkimlər
əməliyyat otağında izləyiblər.
Həkimlər xəstə üzərində əməliyyat aparmaqla yanaşı, Çilinin qapıçısı
Bravonun hünərini də alqışlayıblar.
Ancaq deyəsən, həkimlərin futbol sevgisi onlara baha başa gələcək.
Artıq Çilidə məsələ ilə bağlı araşdırma başlayıb. Parlamentin deputatları
həkimləri məsuliyyətsizlikdə ittiham edərək, onların cəzalandırılmasını tələb
edirlər.
Çili Konfederasiyalar Kubokunun finalında Almaniya ilə qarşılaşacaq.