Bakı 24°C
“Hamıya benzin hədiyyə edib, mənə də kofe alsın”
"Liverpul”un
futbolçusu Məhəmməd Salah növbəti dəfə xeyirxah jesti ilə gündəmə gəlib.
Kaspi.az xəbər
verir ki, Salah bu dəfə avtomobili olanlara benzin hədiyyə edib. Misirli
futbolçu "Bentley” markalı avtomobili ilə yanacaqdoldurma məntəqəsinə gəlib.
O, həmin vaxt orda olan bütün avtomobillərə
yanacaq hədiyyə edib. Salahın bu jestinə komanda yoldaşı Deyan Lovren
zarafatyana reaksiya verib. O, "tvitter”də belə yazıb: "Eşitmişəm ki, Mo hamıya
benzin hədiyyə edib. Bəlkə bir dəfə də mənə kofe alsın”.
Salahın bu
jestinə "Liverpul” azarkeşləri də reaksiya veriblər. Sosial şəbəkələrdə "Mənim
qəhrəmanım”, "Misir kralını sevirəm”, "Mən onu daha çox necə sevə bilərəm? O,
çox sevimlidir” kimi paylaşımlar edilib.
