Gərginlik davam edir
"Barselona”da
Lionel Messi ilə klubun idman direktoru Erik Abidalın qarşılıqlı
ittihamlarından sonra yaranan gərginlik davam edir.
Kaspi.az xəbər
verir ki, Abidal Ernesto Valverdenin qovulmasında futbolçuları ittiham etmişdi.
Bildirmişdi ki, məhz futbolçular Valverdeni istəmirdilər.
Onun bu
açıqlamasına Lionel Messi sərt etiraz etmişdi. Abidalı məsuliyyətsizlikdə
ittiham edən Leo, ondan konkret ad çəkməyi tələb etmişdi.
Bu qarşıdurmadan
sonra məsələyə "Barselona”nın prezidenti Xosep Mariya Bartomeu müdaxilə etməli
olub. O, Erik Abidalı qəbul edib. İki saat çəkən görüşdən sonra Bartomeu
Abidalı istefaya göndərməməyə qərar verib.
Amma bununla belə,
Abidalın bu görüşdən narazı qaldığı da bildirilir.