AZƏRBAYCANDA KORONAVIRUSLA BAĞLI XƏBƏRLƏR

Fərid Şəfiyev:

Fərid Şəfiyev: "ABŞ-ın Cənubi Qafqazdakı rolu xeyli azalıb"

Cəmiyyət
31 İyul 2020, 18:00 332
Cənubi Qafqaz ölkələrinin müstəqilliyinin gücləndirilməsində, o cümlədən enerji layihələrinin həyata keçirilməsində ABŞ mühüm rol oynayıb.

"Report” xəbər verir ki, bu barədə Vaşinqtondakı Xəzər Siyasət Mərkəzi (Caspian Policy Center) tərəfindən keçirilən "Beyin mərkəzlərinin forumu: ABŞ və Xəzər regionu” adlı videokonfransda Beynəlxalq Münasibətlərin Təhlili Mərkəzinin İdarə heyətinin sədri Fərid Şəfiyev bildirib.

"Cənubi Qafqaz tarix boyu region dövlətlərinin, o cümlədən Rusiya və İranın diqqət mərkəzində olub. Müasir tarixi dövrdə isə həmçinin ABŞ, Aİ, Çin tərəfindən də bu cür marağın şahidiyik. Regionda ABŞ-ın hazırkı roluna gəlincə, bu rol xeyli azalıb. Bu proses təkcə Tramp administrasiyası ilə bağlı olmamaqla hələ prezident Obamanın dövründə başlayıb.

Hazırda ABŞ daha çox daxili məsələlərlə məşğuldur, xaricdə isə mövcudluqları birinci dərəcəli strateji regionlarla davam edir”, - ekspert qeyd edib.