Əvvəlcə atasını aldılar, sonra Neymarı
Braziliyanın investisiya fondu DIS-in rəhbəri Delsir Sonda Neymarın
"Barselona”ya keçidi barədə danışıb. Kaspi.az xəbər verir ki, Delsir Neymarın
atasını rüşvət almaqda ittiham edib. O, bildirib ki, "Barsa”nın sabiq
prezidenti Sandro Rosel Neymarı transfer etmək üçün əvvəlcə onun atasını
rüşvətlə ələ alıb: "Neymar "Barselona”ya o vaxt keçdi ki, əvvəlcə onun atasını
aldılar. Bu, korrupsiyanın xüsusi növüdür. Əvvəlcə Neymarın atasına 10 milyon
avro veriblər. Bunu borc kimi qeyd ediblər.
Neymar özü isə 17 sənəd imzalayıb. Özü də "Santos”un oyunçusu kimi.
Bu isə etik cəhətdən düzgün deyil”.
DIS kompaniyası 2009-cu ildə Neymarın transfer hüquqlarının 40
faizini alıb. Kompaniya Neymarı və "Barselona”nı transfer məbləğini kiçiltməkdə
ittiham edir. Buna görə də DIS bu transferdən az gəlir əldə edib.