Ermənilər Ermənistandan qaçır
Ermənistanın
ən ciddi problemi olan miqrasiya ilə bağlı bu ölkənin müvafiq qurumları həyəcan
təbili çalmaqda davam edir. Bu dəfə ölkənin Miqrasiya Xidməti maraqlı və
sensasion sayıla biləcək bir açıqlama ilə çıxış edib. "Ermənistan vətəndaşları
ölkə xaricində sığınacaq almaq üçün ən müxtəlif üsullara əl atır, əfsanələr
quraşdırırlar”, - deyə bu ölkənin "Qrparak” qəzeti Ermənistanın miqrasiya
xidmətinə istinadən yazıb. Qeyd edilir ki, "ən populyar uydurma siyasi
baxışlara görə izlənmədir. Bunun ardınca qarışıq nikahlar gəlir. Ər və arvaddan
hansısa birinin azərbaycanlı olması və bu səbəbdən də onların nə Ermənistana,
nə də Azərbaycana dönə bilməmələri bəhanə gətirilir. Üçüncü yerdə seksual
azlıqların, sonuncu yerdə isə "Yeqova şahidləri”nın təmsilçisi kimi qələmə
verilmə bəhanələri gəlir”.
Beləliklə,
Ermənistandakı durumun ağırlığı, min bir bəhanə ilə buranı tərk edib getmək
istəyənlərlə bağlı daha bir acınacaqlı fakt. Halbuki, Ermənistan rəhbərliyi bəh-bəhlə
bəyan edir ki, 2040-cı ilə qədər Ermənistan sakinlərinin sayı, ən azı, 4 milyon
olmalıdır. Miqrasiya Xidməti isə prezidentin fikirlərini və arzularını alt-üst
edir. Çox güman ki, Serj 4 milyon dedikdə, beynindən 400 min keçib.
Yeri
gəlmişkən, BMT Əhali Fondunun Ermənistan ofisinin icraçı nümayəndəsiQarik
Hayrapetyanbildirib ki, 2040-cı ilədək Ermənistan əhalisinin sayının 4
milyona çatdırılması çətin işdir. O hesab edir ki, Ermənistan 20 il ərzində
əhalisinin sayını, heç olmasa, 3 milyona çatdıra bilsə, bu, ölkə üçün çox gözəl
göstərici olacaq. "Nəzəriyyədə hər şey mümkündür. Ancaq əgər biz öz
imkanlarımızı real hesablamağa çalışsaq, düşünürəm ki, səsləndirilmiş saya nail
olmaq yetərincə çətin olacaq. Ancaq əgər səsləndirilmiş rəqəmlərin hətta 50
faizinə belə çatsaq, bu, bizim üçün irəliyə doğru böyük addım olacaq. Əhalinin
sayını 300, 400, yaxud 500 min nəfər artıra bilsək, bu, demoqrafik vəziyyət
baxımından böyük irəliləyiş olar”, – deyə o bildirib.
BMT-nin
Əhali Fonduiki il öncə böyük tədqiqat apararaq belə nəticəyə gəlib ki, bu
istiqamətdə ciddi addımlar atılarsa,2050-ci ildə Ermənistan əhalisinin
sayı, ən yaxşı halda, 3 milyon olacaq. Mənfi ssenariyə görə isə, ölkədən
gedənlərin azaldılması və doğum sayının artırılmasından ötrü heç bir iş
görülməzsə, Ermənistanda 2 milyondan az adam qalacaq.
Əksəriyyət
hesab edir ki, Ermənistanın müstəqillik əldə etməsindən bəri ölkədən insan
axını heç vaxt ara verməyib. Bundan başqa, 2007-ci ildən başlayaraq mühacirlərin
sayı daha da artıb. Bəs Ermənistan hökuməti emiqrasiyanın azaldılması üçün
hansı tədbirləri görür? Q.Yeganyan buna
belə cavab verib: "Birinci, əsas səbəbi sosial-iqtisadi sahədə axtarmaq
lazımdır. İş yerlərinin və yüksək məvacibin olmaması əsas səbəbdir. Yəni, əgər
biz bu halın miqyasını azaltmaq istəyiriksə, deməli, səbəbləri aradan
qaldırmalıyıq. Hökumətin bütün fəaliyyəti də elə buna yönəlib”.
İtaliyadan
olan ermənipərəst jurnalist Simon Zaparello da Ermənistandan kütləvi insan
axınına toxunub. Özü də o, bu məsələdə nüfuzlu "Gallup” sosioloji mərkəzinin
tədqiqatlarını əsas götürüb. "Hamı Ermənistandan qaçır. "Gallup”un
araşdırmalarına görə, bu ölkə dünya dövlətləri arasında ölkələrini tərk
edənlərlə bağlı liderlər arasındadır. Bu göstərici üzrə Ermənistan hətta
Suriyanı da üstələyib. Rəyi soruşulan gənc ermənilərin 47 faizi ölkəni necə
tərk etmək barədə düşündüklərini etiraf edirlər. Hər dəfə mən Ermənistana səfər
edəndə kiminsə ölkəni tərk edib getdiyinin və yaxud bunu yaxın zamanlarda
etməyə hazırlaşdığının şahidi oluram. Əksər hallarda ən yaxşıları gedir”, -
deyə o, sosial şəbəkədə yazıb. Bu arada "Daşnaksütyun”
Partiyası bəyan edir ki, hər il ölkəni tərk edənlər sırasında yer alan 10
minlərlə vətəndaş sonradan geri qayıtmır. Onların əksəriyyəti 18-65 yaş
arasında olan insanlardır. Bu proses davam etsə, bir neçə ildən sonra
Ermənistan əhalisinin sayı milyondan da az olacaq. Araşdırmalar göstərir ki,
işğal altında olan Dağlıq Qarabağda da mövcud erməni əhalisinin sayında azalma
baş verir. İlin əvvəlindən Dağlıq Qarabağda cəmi 2 min uşaq dünyaya gəlib,
ölənlərin sayı isə bundan çox olub. Kütləvi işsizlik, ağır sosial-iqtisadi
vəziyyət buradakı erməni əhalisini də xarici ölkələrə üz tutmağa məcbur edir.
Azər