Bakı 15°C
Erməni faşistlərinin təxribatı Gəncə sakinlərini qorxutmur
İşğalçı Ermənistanın ölkəmizə qarşı təxribat hücumlarını davam edir.
Beynəlxalq hüquq müstəvisində Ermənistanın işğalçı dövlət olduğunu tam şəkildə
sübuta yetirilməsinə baxmayaraq havadarlarına güvənən bu bədnam ölkə işğalçılıq
siyasətini yürütməklə, özünü necə rəzil duruma saldığını açıq-aydın nümayiş
etdirir.
Oktyabr ayının 4-də erməni
vandalları tərəfindən Gəncəyə
atılan raketlər sayəsində şəhərin infrastukturuna ciddi ziyan dəydi, dinc
sakinlər yaralandı, tarixi abidələr zərər çəkdi. Raket zərbəsindən zərər çəkənlərdən
biri də Zəhra Eyyubova adlı 10 aylıq körpə oldu.
Ermənistan silahlı qüvvələrinin bir neçə gündür Gəncə
şəhərini ağır artilleriya və raketlərdən atəşə tutmasına baxmayaraq, şəhər ərazisində
vətəndaşlar arasında heç bir ruh düşkünlüyü yoxdur. Gəncə sakinləri erməni təxribatından qorxmur, raket zərbələri
nəticəsində xəsarət alanlara maddi və mənəvi
dəstəklərini nümayiş etdirirlər. Bu işdə
şəhər sakinləri ilə yanaşı, şəhər İcra Hakimiyyətinin nümayəndələri, YAP Gəncə şəhər
təşkilatının fəalları, könüllü gəncləri fəallıq göstərirlər.
Gəncə sakinləri yaxşı bilirlər ki, faşist siyasəti yürüdən erməni
hakimiyyətinin mülki əhali və
infrastrukturu məqsədyönlü şəkildə hədəfə alınmasında məqsəd dinc sakinləri təşvişə salmaq idi.
Əminliklə deyə bilərik ki, avantürist erməni hakimiyyəti məqsədinə çata
bilmədi. Gəncə sakinləri düşmən terrorundan, təxribatından çəkinmədən öz işinə-gücünə
davam edir, şanlı Ordumuzun uğurlarından daha da ruhlanır və əmindirlər ki,
tezliklə Azərbaycan haqq mübarizəsində qalib olacaq.
