Çempionlar Liqası: “Barsa” üçün “Yuve”, “Real” “Bavariya” ilə üz-üzə

Bu gün Çempionlar Liqasının 1/4 final mərhələsinin püşkü atılıb.

İsveçrənin Nyon şəhərində keçirilən püşkatma Bakı vaxtı ilə saat 15:00-da başlayıb.

Püşk ÇL-in 1/4 mərhələsində Almaniya nəhəngi "Bavariya" ilə "Real"ı üz-üzə qoyub.

"Barselona" isə yarımfinala çıxmaq uğrunda "Yuventus"la mübarizə aparacaq.

Tarixində ilk dəfə olaraq ÇL-in 1/4 mərhələsinə yüksəlmiş "Lester" Madrid "Atletiko"su ilə qarşılaşacaq.

"Monako"nu isə bu mərhələdə "Borussiya" (Dortmund) ilə ağır oyunlar gözləyir.

Çempionlar Liqasının 1/4 final mərhələsinin oyunları 11-12 aprel və 18-19 apreldə keçiriləcək.

Çempionlar Liqası,1/4 final

Atletiko (İspaniya) - Lester (İngiltərə)

Borussiya (Dortmund, Almaniya) - Monako (Fransa)

Bavariya (Almaniya) - Real (İspaniya)

Yuventus (İtaliya) - Barselona (İspaniya)