Əfsanəvi “canavar” karyerasını bitirdi
"Roma”nın sabiq
kapitanı Daniel Rossi karyerasını bitirib.
Kaspi.az xəbər
verir ki, Rossi Argentinanın "Boka Xuniors” klubunda çıxış edir. Bu barədə məlumatı
Rossi özü verib:
"Mənim ciddi zədəm
və digər problemim yoxdur. Mən, sadəcə, ailəmin yanında olmaq istəyirəm. Xüsusən
də qızım üçün darıxıram. O da mənim üçün darıxır.
Mən karyeramı
bitirməklə bağlı qərar verdim. Bu qərarım qətidir. Məni dilə tutmağa
çalışdılar, fikirləşməyimi istədilər. Amma qərar verdim və bunda qorxulu heç nə
yoxdur.
Burda ürəyimin
bir parçasını qoyuram. Çoxları
"Bombonera”da oynamağın, "Boka”nın paltardəyişmə otağında olmağın nə demək
olduğunu bilmir. Bu, unikal təcrübədir. Əlbəttə, bundan sonra da futbol sahəsində
çalışacağam”.
Bir müddət əvvəl
məlumat verilmişdi ki, Rossiyə "Roma”da iş veriləcək. O, 2000-2019-cu illərdə
"Roma”da çıxış edib. "Canavar”ların heyətində 459 oyun keçirib, 43 qol vurub.