Dünyanın hər yerində Azərbaycan olmağı bacaran soydaşlarımız
Xaricdə yaşayan həmvətənlərimiz
hər an gözlənilən erməni hücumlarından və təxribatlarından qorxmur
Tovuz döyüşlərindən sonra dünyanın müxtəlif ölkələrində yaşayan həmvətənlərimiz aksiyalar, mitinqlər, yürüşlər həyata keçirdilər. Həmyerlilərimiz dünyanın hər yerində erməniləri ifşa etdikcə, bu onları daha da qəzəbləndirir, əsl mahiyyətlərini ortaya qoymalarına səbəb olurdu. Belə ki, həmvətənlərimizin qanuni aksiyalarını pozmağa çalışır, təkləyərək onlara hücum edirdilər. Təbii ki, onların bu əməlləri cəzasız qalmır və yaşadıqları ölkələrin qanunları çərçivəsində cəzalandırılırlar.
Moskvada yaşayan rejissor
Vüsal Mehrəliyev qeyd edir ki, Rusiya paytaxtında son hadisələrdən sonra "Fud siti” bazarının bağlanması, ermənilərin
bu bazara buraxılmaması onlara təsir edib: "Yaşanan hadisələrdən sonra bəzi
erməni təşkilatlarının azərbaycanlılara qarşı hücum təşkil etməsi, şəhərin müxtəlif
yerlərində vətəndaşlarımızı təkləyib, zorakılıq etməsi kimi hadisələrlə
qarşılaşdıq. Təkcə ermənilər deyil, belə təxribatlara uyanlar polis bölmələrinə
aparılaraq haqlarında inzibati cəzalar tətbiq edildi. Bu da digər insanlara bir
nümunə oldu. Amma son bir həftə ərzində hələ ki sakitçilikdir. Hadisələrin
qızğın vaxtı Moskvada ermənilərin və bizim vətəndaşların aqressiv olması hiss
olunurdu. Biz öz həmvətənlərimizə küçəyə tək çıxmamağı məsləhət görürdük. Dövlət
rəsmiləri bu işə qarışdıqdan sonra yaşadığımız ərazidə hələ ki heç bir hücum
faktı ilə qarşılaşmamışıq".
Xəyalə Rəis
Tovuz döyüşlərindən sonra dünyanın müxtəlif ölkələrində yaşayan həmvətənlərimiz aksiyalar, mitinqlər, yürüşlər həyata keçirdilər. Həmyerlilərimiz dünyanın hər yerində erməniləri ifşa etdikcə, bu onları daha da qəzəbləndirir, əsl mahiyyətlərini ortaya qoymalarına səbəb olurdu. Belə ki, həmvətənlərimizin qanuni aksiyalarını pozmağa çalışır, təkləyərək onlara hücum edirdilər. Təbii ki, onların bu əməlləri cəzasız qalmır və yaşadıqları ölkələrin qanunları çərçivəsində cəzalandırılırlar.
Biz də müxtəlif ölkələrdə yaşayan sənətçilərdən hazırkı vəziyyəti xəbər
aldıq. Onların bir qismi sakitçiliyin bərqərar olduğunu desə də, bəziləri təhlükəni
hər an hiss etdiklərini bildirdilər.
ABŞ-ın Kaliforniya ştatında
yaşayan rejissor, ssenarist, dramaturq, yazıçı Sevinc Səfərova bizimlə söhbətində qeyd etdi
ki, ermənilər onların yaşadığı Los-Anceles şəhərində üstünlük təşkil edir:
"Hətta buraya onlar "Little Armenia"(Kiçik Ermənistan) deyirlər.
Belə ki, Los-Ancelesdə 700 minlə 1 milyon arası erməni yaşayır. Amerikada onlar
özlərini qalib kimi təqdim edirlər. Ancaq 12-15 iyulda Tovuzda baş verənlər və
xaricdə yaşayan azərbaycanlıların bu təxribata laqeyd qalmaması bizim
birliyimizdən, bizi bir-birimizə bağlayan tellərin nə qədər möhkəm olmasından,
yaşadığımız ölkələrdə bir parça vətən olmağımızdan xəbər verir. Mən hər zaman
demişəm ki, vətən sərhəddən başlamır. İnsan harda olmasından asılı olmayaraq,
özü ilə qəlbində bir parça vətən daşıyır. 12 iyul hadisələrindən sonra
Amerikada, xüsusən də Los-Ancelesdə erməni təxribatı zamanı biz bunun bir daha
şahidi olduq. Bu gün də onlar öz iyrənc əməllərindən əl çəkmirlər. Əslində Los-Ancelesdə
keçirilən aksiyada onlar başqa bir hadisə ilə üzləşdilər. Dünyanın müxtəlif ölkələrində
yaşayan həmvətənlərimiz ayağa qalxdı, generalımızın ölümü, yaşanan haqsızlığa
susmadılar. Azərbaycanın böyük tribunalardan səslənən haqq sözünün bu dəfə dünyanın
hər bir yerində küçələrdən eşidilməsi düşməni təşvişə saldı. Ermənilər hər nə qədər
bunun qarşısını almağa çalışsa da, ucalan səsləri susdura bilmədilər.
Bacarmayacaqlar da. Çünki onların qarşısında 90-cı illərdəki Azərbaycan yoxdur.
Bu gün Azərbaycan müstəqil, sözünü deməyi bacaran, Polad Həşimov, Mübariz İbrahimov
kimi mərd oğullar yetişdirib, dünyaya inteqrasiya edib, güclü ordusu, beynəlxalq
aləmdə nüfuzu, başında ali baş komandanı dayanan ölkədir. Ali baş komandanın
arxasında da Azərbaycan xalqı dayandıqda, heç bir düşmən bizə qalib gələ bilməz.
Tovuzda yaşanan hadisələr bir daha sübut etdi ki, uşağından qocasına, ahılına qədər
hər bir azərbaycanlı bir amal uğrunda birləşməyə, yeri gələndə bir yumruq olmağa
qadirdir. Biz hər zaman dövlətimizin birliyi, torpaqlarımızın müdafiəsi üçün
bütövlükdə bir Azərbaycan olmağı bacarırıq. Bu isə düşmənə gözdağıdır və belə
olduğu halda, kiçik təxribatların olması qaçılmazdır. Kişinin düşməni kişi
olar. Təssüf ki, bu məsələdə bizim bəxtimiz gətirmədi.
Xaricdə yaşayan bizlər də dövlətimizin gücündən güc alırıq. Heç kimdən
qorxmuruq, bilirik ki, bizim arxamızda güclü bir dövlət var və ondan güc alıb,
dünyaya səsimizi çatdırırıq. Ermənilər sonuncu aksiyada olduğu kimi, heç zaman
təsəvvür etməzdi ki, 30 azərbaycanlı 5000-dən çox erməninin qarşısına mərd şəkildə
çıxar və onlara meydan oxuyar. Bu onları çox qəzəbləndirdi. Ermənilərin belə məqamda ortaya çıxan iç üzü
nəinki Azərbaycan, eyni zamanda dünya mətbuatında əks olundu. Ermənilər mitinqə
öncədən hazırlanmış qruplarla gəlmişdilər. Dünyanın ən tanınmış terrorçu qrupu
ilə Daşnaksütun partiyası bərabər hazırlaşaraq mitinqdə bizim üzərimizə hücum
etmişdilər". S.Səfərova mitinqdə baş verənlərdən sonra ermənilərin daha da qəzəbləndiyini
vurğuladı: "Bu hadisələrdən qəzəblənən ermənilər Amerikada yaşayan azərbaycanlıların,
hətta türklərin ev ünvanlarını onlara xəbər verənlərə 500 dollar pul təklif
edirlər. Təbii ki, burada yaşayan azərbaycanlılar onlardan qorxmur və açıq şəkildə
onlara meydan oxuyurlar. Bu yaşanan hadisələrdən sonra erməni-azərbaycanlı
qarşıdurması yenidən alovlandı. Hazırda isə Amerikada yaşayan azərbaycanlıların
həyatına təhlükə qalmaqda davam edir. Bir neçə gün bundan öncə Kanadada 2 azərbaycanlı
vətəndaşa ermənilər tərəfindən hücum olundu. Vətəndaşlarımızın maşınları
yararsız hala gətirilib, özlərini döyməklə kifayətlənməyib, güllə ilə vurmuşdular.
Kanadada yaşayan dostlarımız söyləyir ki, 10 erməni iki azərbaycanılının üzərinə
düşmüşdü. Ancaq ermənilərin bu təxribatı cəzasız qalmadı. 2 erməni elə hadisə
yerində tutulmuşdu. Yəni, deməyim odur ki, burda da hər an təşviş var. Biz
qorxmuruq, heç yerə getməyəcəyik. Amerika kimi demokratik ölkədə yaşayırıq. Törədilən
hər bir təxribat öz cəzasını alır. Təxribat yaradan hər bir erməni Amerika
qanunları qarşısında cavab verməyə məcbur edilir".
Almaniyada yaşayan xanəndə,
aktrisa Vüsalə Musayeva isə yaşadığı ölkənin öz qayda-qanunları olduğunu və kütləvi
aksiyaların nəzarət altında keçirildiyini bildirdi: "12 iyulda Azərbaycanda
yaşanan hadisələr heç də xaricdə vətəndaşlarımız tərəfindən sakit qarşılanmadı.
Erməni təxribatının nəticələrinə Almaniyada və dünyanın bir çox yerlərində
etirazlar edildi. Açığı, yaşanan hadisələrdən sonra Almaniyada ermənilərin azərbaycanlılara
küçədə və ya başqa yerlərdə təkləyib hücum etməsi faktı ilə qarşılaşmamışam. Almaniyada
belə bir şey mümkün deyil. Qanunlarında sərtlik çoxdur. Burda yaşayan insanlar
sivil qanunları pozmur. 5 ildir burda yaşayıram, nəinki ermənilər, heç kim ölkənin
qanunlarını çeynəyə bilməz. Bəlkə kimlərsə etirazını bildirər, hər kəs fikrində
azaddır. Belə olduqda, rəsmi şəkildə icazə alaraq polislərin müşayiəti ilə aksiyalarını
keçirə bilərlər. Qarşıdurmalar nadir hallarda olur".
V.Musayeva Almaniyada ermənilərin çoxluq təşkil etdiyini bildirir:
"Almaniya miqrant ölkəsidir, əhalinin çox hissəsini miqrantlar təşkil
edir. Onlar isə qanunu poza və qanundan çıxa bilməz. O ki qaldı erməni və azərbaycanlıların
başqa ölkələrdə bir-birinə hücum etməsinə, bu, əslində düşmənin bizə qarşı işlədəcəyi
silahdır. Ermənilər elə bir millətdir ki, özləri soyqırımı törətdikləri halda, illərdir
dünyaya bunun əksini car çəkirlər. İndi də öz iyrənc əməllərindən əl çəkmirlər.
Müxtəlif ölkələrdə keçirilən aksiyalardan sonra soydaşlarımızı təhrik edirlər
ki, onlara hücum etsinlər, onlar da dünyaya göstərsinlər ki, baxın görün bizə nələr
edirlər. Bu bizə qarşı qəsdən hazırlanmış plandır. Onlar özlərini guya haqlı tərəf
olaraq önə çıxarmağa çalışırlar. Ona görə də yaxşı olar ki, soydaşlarımız erməni
təxribatlarına alət olmasınlar. Onsuz da bir gün ədalət öz yerini tapacaq. Və
dünya da artıq erməniləri daha yaxşı tanımağa başlayıb”. Xəyalə Rəis