AZE | RUS | ENG |


Dünya şöhrətli amerikalı cazmen Gəncədə konsert proqramı ilə çıxış edib

Dünya şöhrətli amerikalı cazmen Gəncədə konsert proqramı ilə çıxış edib
Aprelin 16-da dünya şöhrətli amerikalı cazmen Qabriel Stravelli və onun musiqi qrupunun Gəncədə konserti olub.

AZƏRTAC xəbər verir ki, Uşaq Yaradıcılıq Mərkəzində keçirilən konsert Azərbaycan və ABŞ arasında diplomatik əlaqələrin yaradılmasının 25 illiyi münasibətilə təşkil olunub.

Konsertdən əvvəl məlumat verilib ki, müğənni ilk dəfə 2015-ci ildə ABŞ Dövlət Departamentinin Amerika Musiqisinin Xaricdə Təbliği Proqramı çərçivəsində Azərbaycana səfər edib. Məhz həmin proqram çərçivəsində amerikalı musiqiçilərin ölkəmizə səfəri mədəniyyət sahəsində qarşılıqlı anlayışı və əməkdaşlığı inkişaf etdirib.

Səfirliyin əməkdaşı müğənninin yaradıcılığı haqqında məlumat verərək bildirib ki, musiqi sahəsində müxtəlif mükafatlar qazanmış Qabriel Stravelli həm özünün orijinal mahnılarının, həm yeni Amerika mahnılarının ifası ilə, həm də Dyuk Ellinqton, Dolli Parton və Conni Merser kimi musiqiçilərin sənətindən bəhrələnərək dinləyicilərin rəğbətini qazanıb. Müğənni bu yaxınlarda Nyu-Yorkun Metropoliten zalında Nyu York Tayms, Vall Stritt Cornal və Haffinqton Post kimi nüfuzlu mətbuat orqanlarının rəğbətini qazanan ifalar edib.

Təqdimatdan sonra səhnəyə çıxan amerikalı vokalist, dünya şöhrətli caz ustası Qabriel Stravellinin ifası Gəncə musiqisevərləri tərəfindən böyük maraqla izlənilib. Sənətçinin Göygöl Dövlət Mahnı və Rəqs Ansamblının solisti Kəmalə Tağızadə ilə duet şəklində səsləndirdiyi "Laçın” və "Saçlarına gül düzüm” xalq mahnılarımız tamaşaçılar tərəfindən sürəkli alqışlarla qarşılanıb.





Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0047
GEL 1 Gürcü larisi 0.7072
GBP 1 İngilis funt sterlinqi 2.2065
TRY 1 Türk lirəsi 0.4824
KWD 1 Küveyt dinarı 5.6202
SEK 1 İsveç kronu 0.2069
EUR 1 Avro 1.9783
CHF 1 İsveçrə frankı 1.7884
USD 1 ABŞ dolları 1.7012