• cümə axşamı, 28 mart, 12:55
  • Baku Bakı 16°C

Dənizdə 2 neftçinin meyiti tapıldı

24.06.20 13:21 775
Dənizdə 2 neftçinin meyiti tapıldı
Ötən ay Xəzər dənizinin dərinsulu hissəsində boru xəttinin monitorinqi aparılarkən 2015-ci il dekabrın 4-də "Günəşli” yatağındakı 10 saylı Dərin Dəniz Özülündə baş vermiş qəza zamanı itkin düşmüş iki əməkdaşın cəsədləri 190 metr dərinlikdə tapıldıqdan sonra iyun ayında da həmin ərazidə təftiş və axtarış işləri davam etdirilib, 149 metr dərinlikdə daha iki insan cəsədi aşkarlanıb. Cəsədlər müvafiq qaydada çıxarıldıqdan sonra dövlət orqanlarına təhvil verilib.
SOCAR-dan Trend-ə verilən məlumata görə, analizlər nəticəsində müəyyən edilmişdir ki, tapılan cəsədlərdən biri 2015-ci ildə baş vermiş həmin qəza zamanı itkin düşmüş, 4-cü dərəcəli neft-qazçıxarma operatoru 1971-cü il təvəllüdlü Rəsulov Elşad Baloğlan oğluna məxsusdur. Cəsəd bu gün ailə üzvlərinə təhvil veiləcəkdir. Mərhum neftçinin ailəsinə başsağlığı verir və Allahdan rəhmət diləyirik.
Digər cəsədin qalıqlarının analizləri davam etdirilir. Bu barədə ictimaiyyətə əlavə məlumat veriləcəkdir.
banner

Oxşar Xəbərlər