• cümə, 29 Mart, 19:50
  • Baku Bakı 14°C

"Dağlıq Qarabağ və işğal altında olan 7 rayon Azərbaycana qaytarılmalıdır"

20.01.17 21:30 1023
"Dağlıq Qarabağ və işğal altında olan 7 rayon Azərbaycana qaytarılmalıdır"
"Dağlıq Qarabağ münaqişəsinin həllində ilk addım Azərbaycanın işğal altında olan yeddi rayonunun qaytarılmasıdır". APA-nın Moskva müxbirinin verdiyi məlumata görə, bunu Rusiya Dövlət Dumasının deputatı, Rusiya-Azərbaycan parlamentlərarası dostluq qrupunun rəhbəri Dmitri Savelyev "vestnikkavkaz"-a bildirib.
Rusiyalı deputatın fikrincə, Dağlıq Qarabağ münaqişəsinin həllində beynəlxalq təşkilatların qərarlarına söykənmək lazımdır. Əlbəttə ki, Dağlıq Qarabağ və işğal altında olan yeddi rayon Azərbaycana qaytarılmalıdır. Əminəm ki, bu yaxın perspektivdə baş verəcək".
D. Savelyev Dağlıq Qarabağ münaqişəsinin nizamlanmasının qaçqınların öz doğma torpaqlarına qayıtması ilə bağlı olacağını da soyləyib: "Azərbaycanlı qaçqınların Qarabağ ərazisinə qayıtmasından sonra onun statusu müəyyən olunacaq. Əlbəttə ki, əgər bütün qaçqınlar Qarabağa qayıtsa, referendum keçiriləcək. Ümumxalq səsverməsinin nəticəsinin necə olacağını anlayırıq".
banner

Oxşar Xəbərlər