AZƏRBAYCANDA KORONAVIRUSLA BAĞLI XƏBƏRLƏR

“Cənub Qaz Dəhlizi” Azərbaycan iqtisadiyyatına müsbət təsir göstərəcək

“Cənub Qaz Dəhlizi” Azərbaycan iqtisadiyyatına müsbət təsir göstərəcək

İqtisadiyyat
20 İyun 2020, 10:07 232
"Cənub Qaz Dəhlizi” layihəsinin tam miqyasda işə salınması Azərbaycan iqtisadiyyatına müsbət təsir göstərəcək.
Bu barədə Trend-ə Asiya İnkişaf Bankından (AİB) bildiriblər.
Qeyd olunub ki, AİB-in mandatlarından biri regional əməkdaşlığın və üzvlər arasında inteqrasiyanın inkişafıdır:
"Biz hesab edirik ki, bu layihə regiondaxili əhəmiyyət daşıyır. Bu layihə ilə Azərbaycan özünün geniş iqtisadi imkanlarını açır və AİB-in digər üzvləri, Gürcüstan, Türkiyə və bir sıra Avropa ölkələri ilə sıx əlaqələri möhkəmləndirir. Biz şadıq ki, "Cənub Qaz Dəhlizi” layihəsi həm regional əməkdaşlığa xidmət edir, həm də AİB-in bəzi üzvlərini idxal mənbələrini şaxələndirməklə enerji təhlükəsizliyini möhkəmləndirməkdə dəstəkləyir”.
Bankdan onu da bildiriblər ki, "Cənub Qaz Dəhlizi” layihəsi həm də sosial əhəmiyyət daşıyır, çünki bu, ölkədə 200-dən çox daimi iş yerinin açılmasını təmin edib:
"Layihədən gələn əlavə gəlirlər hesabına hökumət sosial proqramları genişləndirə və iqtisadiyyatın şaxələndirilməsi üzrə əlavə tədbirlərin reallaşdırılmasını sürətləndirə bilər”.