“Bu iyrəncliyi görmək ağır idi”
"Bernli”nin baş
direktoru Nil Hart "Mançester Siti” ilə oyunda yaşanan insident barədə danışıb.
Kaspi.az xəbər
verir ki, oyundan əvvəl stadionun üzərindən uçan təyyarədən "Qaraların həyatı
vacibdir” banneri açılıb. Bunun ardınca isə "Bernli” azarkeşləri "Ağların həyatı
vacibdir” bannerini açıblar. Baş direktor bu hadisəni iyrənclik adlandırıb:
"Stadionun
tribunasından bu iyrəncliyi görmək ağır idi. Biz futbolçularımızla, məşqçilərimizlə
həmrəyik və diskriminasiyanın istənilən formasına qarşıyıq.
Hesab edirəm
kii, "iyrənc” ifadəsi həmin hadisənin mahiyyətinə tam uyğun gəlir. Məsələ ilə
bağlı hakimiyyətlə əməkdaşlıq edirik. Bu aksiyanı təşkil edənlərin kim olduğunu
bilirik. Polis araşdırma aparır. Biz isə həmin şəxslərin ömürlük olaraq
stadiona girişinə qadağa qoyacağıq”.