AZƏRBAYCANDA KORONAVIRUSLA BAĞLI XƏBƏRLƏR

Britaniya Suriya əməliyyatlarında iştirak etməyəcək

Britaniya Suriya əməliyyatlarında iştirak etməyəcək

Təfsilat
30 Avqust 2013, 07:52 844
APA-nın “Röyters”ə istinadən verdiyi xəbərə görə, Filip Hammond ehtimal edib ki, Londonun hərbi əməliyyatda iştirakdan imtina etməsinə baxmayaraq, istənilən halda Suriya hakimiyyətinə qarşı hərbi müdaxilə baş tutacaq.

Qeyd edək ki, müdafiə naziri bu bəyanatı ölkə parlamentinin Suriya ilə bağlı səsverməsinin nəticələri məlum olandan sonra verib. Belə ki, Britaniya parlamenti avqustun 30-na keçən gecə baş nazir Devid Kemeronun Suriyaya hərbi müdaxilə barədə təklifini qəbul etməkdən vaz keçib.

Məlumata görə, 285 deputat hökumətin irəli sürdüyü təşəbbüsün əleyhinə səs verib, 272 deputat isə baş nazirin təklifini dəstəkləyib.

Baxmayaraq ki, səsvermə tövsiyə xarakteri daşıyıb, Devid Kemeron iclasdan sonra qeyd edib ki, parlamentin Suriyada hər-hansı hərbi əməliyyat keçirmək niyyətində olmadığı artıq tam aydınlaşıb: “Mən də artıq addımlarımı müvafiq şəkildə atacam”, deyə Kemeron əlavə edib.