Bakı 27°C
BMT Dağlıq Qarabağ münaqişəsi zonasında atəşkəs rejiminin pozulmasından narahatdır
BMT ATƏT-in Minsk Qrupunun Dağlıq Qarabağda atəşkəs rejiminin pozulması halları ilə bağlı narahatlığını tam olaraq bölüşür.
Trend-in məlumatına görə, bu barədə BMT-nin baş katibinin Mətbuat Katibi ofisinin baş katib adından verdiyi bəyanatda deyilir.
"Biz 19 iyun 2017-ci il tarixli ATƏT-in Minsk qrupu həmsədrlərinin bəyanatını nəzərə alırıq. Biz təmas xətti boyunca qurbanlara səbəb olan atəşkəs rejiminin pozulmasına dair narahatlığı tam şəkildə bölüşürük", - bəyanatda deyilir.
Bəyanatda deyilir ki, BMT bütün tərəfləri vəziyyətin daha da gərginləşməsinə gətirib çıxara biləcək hər cür əməllərdən çəkinməyə, gərginliyin azaldılması üçün tədbirlərin görülməsinə və danışıqları bərpa etməyə çağırır.
