BİTKol tələbələri Bakı Dövlət Universitetində olublar - Fotolar
Bir neçə gün bundan öncə Bakı İdarəetmə və
Texnologiya Kollecinin (BİTKol) direktoru Varis Allahverdiyev tərəfindən Bakı
Dövlət Universitetinin (BDU) rektoru, akademik Abel Məhərrəmova məktubla müraciət
olunub, kollecin bir qrup tələbəsinin universitetin Kimya fakültəsi ilə
tanışlığına şərait yaradılması istənilib. Həmin müraciət müsbət cavablandırılıb.
Buna uyğun olaraq, BİTKolun kimya müəlliməsi Könül Məmmədovanın rəhbərliyi ilə kollecin
23 tələbəsi BDU-da olub.
Ali təhsil müəssisəsinin Kimya fakültəsinə ekskursiya
edən kollec tələbələri burada yaradılan şəraitlə, o cümlədən laboratoriya ilə
yaxından tanış olmaq imkanı qazanıblar. Kollec tələbələri həm müxtəlif təcrübələri
izləyiblər, həm də təcrübə prosesinin iştirakçılarına çevriliblər.
BİTKol tələbələri
BDU-nun müəllim heyəti, kimyaçı alimlərlə də həmsöhbət olublar. Tələbələrin
sualları müəllimlər tərəfndən ətraflı cavablandırılıb.
Bir günlük ekskursiya
kollec tələbələrində xoş təəssürat yaratmaqla yanaşı, onlarda gələcəkdə ali təhsil
almaq üçün böyük həvəs oyadıb.
Ekskursiyanın sonunda xatirə şəkli çəkdirilib.