• cümə axşamı, 28 mart, 17:15
  • Baku Bakı 16°C

Binəqədi RİH-də təcrübə keçən ASAN könüllüləri “ASAN Radio”da olublar

12.08.17 18:54 1500
Binəqədi RİH-də təcrübə keçən ASAN könüllüləri “ASAN Radio”da olublar
Binəqədi rayonu İcra Hakimiyyətinin təşəbbüsü ilə RİH-də təcrübə keçən 10-cu qrup ASAN könüllüləri "Beynəlxalq Gənclər Günü münasibətilə "ASAN Radio” nun qonağı olublar.ASAN könüllüləri "ASAN Radio”nun rəhbərliyi ilə görüşüblər.
Görüşdə "ASAN Radio”nun direktoru Emin Musavi, Binəqədi rayon İcra Hakimiyyəti Aparatının İctimai-siyasi və humanitar məsələlər şöbəsinin baş məsləhətçisi Leyla Kərimova, Rayon Gənclər və İdman İdarəsinin əməkdaşı Rüfət Əhmədov, Binəqədi rayon İcra Hakimiyyətində təcrübədə olan 10-cu qrup ASAN Könüllüləri iştirak ediblər.
E. Musavi "ASAN Radio” haqqında geniş məlumat verib, habelə Binəqədi rayonunda son illərdə gedən abadlıq-quruculuq işlərindən, o cümlədən, rayonun saytının, "Facebook” səhifəsinin operativliyindən danışıb.
L. Kərimova isə "ASAN Radio”nun kollektivini 12 Avqust Beynəlxalq Gənclər Günü münasibətilə təbrik edib.
Sonra Binəqədi rayon İcra Hakimiyyətində təcrübədə olan 10-cu qrup ASAN könüllüləri fikirlərini bölüşüblər.
Görüşdən sonra könüllülər "ASAN Radio”nun inzibati binası ilə tanış olublar.
banner

Oxşar Xəbərlər