Binəqədi rayonunda Beynəlxalq Ahıllar Günü qeyd edilib - Fotolar
BMT Baş
Məclisinin 1992-ci ildə qəbul etdiyi "Ahılların müdafiəsi ilə bağlı Qətnamə”yə əsasən,
1 Oktyabr - Beynəlxalq Ahıllar Günü kimi təsis edilmişdir. Beynəlxalq Ahıllar
Günü 1993-cü ildən başlayaraq Azərbaycanda da hər il yüksək səviyyədə qeyd
edilir.Binəqədi
rayonunda 1 Oktyabr - Beynəlxalq Ahıllar Günü münasibətilə Binəqədi rayon İcra
Hakimiyyətinin dəstəyi və rayon bələdiyyələrinin təşkilatçılığı ilə ərazilərdə
yaşayan ahıl sakinlər ziyarət edilib.Təşkil
edilən ziyarətdə Binəqədi rayon İcra Hakimiyyətinin əməkdaşları, rayon bələdiyyə
sədrləri, bələdiyyələrin "İctimai-humanitar” sektorunun rəhbərləri və 25 saylı şəhər poliklinikasının tibb
personalı iştirak ediblər.
Ziyarət
olunan ahılların evlərində ilk öncə səhər
saatlarında bələdiyyələr tərəfindən təmizlik işləri görülüb.
Daha
sonra evləri ziyarət edilən ahıllarla birgə çay süfrəsi təşkil edilib, onlara
bayram münasibətilə sovqat təqdim olunub. Eyni zamanda onlar ixtisaslı həkim
personalı tərəfindən tibbi müayinə olunublar.
Səmimi keçən
görüşdə evləri ziyarət olunan Binəqədi Rayon Bələdiyyəsi ərazisində yaşayan
ahıl, professor-müəllim, milyonçu Hacınski nəslinin nümayəndəsi Məmmədov Əziz Bəşir
oğlu, Xocəsən Bələdiyyəsi ərazisində yaşayan ahıl
İsgəndərova Xədicə Ağalar qızı, Binəqədi qəsəbə Bələdiyyəsi ərazisində yaşayan
ahıl, Böyük Vətən Müharibəsi veteranının həyat yoldaşı, azsaylı xalqların nümayəndəsi Çiçikova Zeytunya, M.Ə.Rəsulzadə Bələdiyyəsi ərazisində
yaşayan ahıl Məmmədov Müti İbrahimxəlil oğlu, Biləcəri Bələdiyyəsi ərazisində
yaşayan ahıl, uzun müddət dövlət qulluqçusu olmuş, Rayon Ağsaqqallar Şurasının
sədr müavini Əminəxanım Ələkbərova onlarla təşkil edilən bu görüşün əhəmiyyətindən
danışıblar, belə bir gündə ziyarət edildikləri üçün sevincli olduqlarını diqqətə
çatdırıblar. Ahıl şəxslər işlədikləri illərlə bağlı öz xatirələrini bölüşüb, vətənə,
xalqa xidmət etməyin ən şərəfli peşə olduğunu bildiriblər.
Çıxış edən ahıllar Azərbaycanda ahıl insanlara dövlət
qayğısının ildən-ilə artdığını bildirib, göstərilən diqqətə görə ölkə başçısı İlham
Əliyevə öz minnətdarlıqlarını ifadə ediblər.
Hər bir
görüşün sonunda ahıllarla birgə xatirə fotosu
çəkdirilib.