BDU-da Respublika Günü keçirilib və “Vaqif” pyesi təqdim edilib - Fotolar
Bakı Dövlət Universitetində 28 May - Respublika Günü münasibətilə tədbir
keçirilib. Giriş sözü ilə çıxış edən rektor, akademik Abel Məhərrəmov Azərbaycan
Xalq Cümhuriyyətinin tarixindən, 23 ay ərzində maarifçilik, səhiyyə,
mədəniyyət, incəsənət, kənd təsərrüfatının inkişafı kimi strateji sahələrdə
qəbul edilmiş qərarlardan danışıb. Azərbaycan Xalq
Cümhuriyyətinin dövlətçilik tariximizdəki rolu və əhəmiyyətinə diqqət çəkən
rektor, eyni zamanda, cümhuriyyətin ən böyük uğurlarından biri kimi Bakı Dövlət
Universitetinin yaradılmasını diqqətə çatdırıb.
Tariximizin önəmli mərhələsinin yenidən bərpasına ümummilli lider
Heydər Əliyev tərəfindən xüsusi qiymət verildiyini qeyd edən akademik Abel
Məhərrəmov ulu öndərin müstəqilliyimizin qorunması və
əbədiliyinin təmin edilməsisiyasətinin Prezident İlham Əliyev tərəfindən
uğurla davam etdirildiyindən söz açıb.
Azərbaycan Milli Məclisisədrinin birinci müavini, BDU-nun kafedra müdiri,
professor Ziyafət Əsgərov məruzəsində Azərbaycan
Xalq Cümhuriyyətinin tariximizdəki
rolundan, ölkəmizin son illər artan beynəlxalq nüfuzundan danışıb.
Çıxış edən
Filologiya fakültəsinin dekanı, dosent Elçin Məmmədov tələbələr tərəfindən
səhnələşdirilmiş "Vaqif” pyesi haqqında məlumat verib, Azərbaycan
xalqının milli-azadlıq mübarizəsini əks etdirən bu pyesi təqdim
etmək üçün tələbələrin uzun müddətdir ki, xalq artisti, professor Ağakişi Kazımovun rəhbərliyi altında
böyük ruh yüksəkliyi ilə məşq etdiklərini söyləyib. "Vaqif” pyesinin
təqdimatı böyük coşqu ilə qarşılanıb. Sonra çıxış edən rektor Abel Məhərrəmov
bütün yaradıcı heyətə, rejissor Ağakişi Kazımova, Filologiya fakültəsinin
dekanı, dosent Elçin Məmmədova, Azərbaycan Şifahi xalq ədəbiyyatı kafedrasının
müdiri, professor Səhər Orucovaya təşəkkürünü bildirib.
Xalq
artisti Ağakişi Kazımov isə tələbələrin istedadını xüsusilə qeyd edərək,
onlarla işləməkdən zövq aldığını bildirib.