BDU-da Milli Qurtuluş Günü münasibəti ilə tədbir keçirilib
Bu gün Bakı Dövlət Universitetində
Milli Qurtuluş Günü münasibəti ilə tədbir keçirilib. BDU-nun foyesində ümummilli
lider Heydər Əliyevin büstü qarşısına əklil qoyulması mərasimi ilə başlayan tədbiri
rektor, akademik Abel Məhərrəmov açıb. Milli Qurtuluş Gününün əhəmiyyətindən
danışan rektor ümummilli lider Heydər Əliyevin 1993-cü ildə Azərbaycan rəhbərliyinə
qayıdışı ilə dövlət quruculuğu prosesinin başlamasından, ölkənin vətəndaş
müharibəsi və parçalanma təhlükəsindən xilas edilməsindən, müstəqillik, azərbaycançılıq, dövlətçilik, ədalətlilik,
demokratiya, milli tərəqqi, dünyəvilik kimi yeni bir ideologiyanın əsasının
qoyulmasından bəhs edib.
Ümummilli lider Heydər Əliyevin müstəqil dövlətimizin möhkəmlənməsi və dünyada
tanınması istiqamətində tarixi xidmətlərini vurğulayan rektor bu siyasətin
Prezident İlham Əliyev tərəfindən uğurla davam etdirildiyini diqqətə çatdırıb.
Sonra Milli Məclisin Aqrar Siyasət Komitəsinin
sədri Eldar İbrahimov, Respublika
Ağsaqqallar Şurasının sədri, deputat Fəttah Heydərov Qurtuluş
günü ilə bağlı fikirlərini bölüşüb, ulu öndər Heydər
Əliyevin apardığı
siyasətin Azərbaycanın hər bir vətəndaşına azad, sərbəst yaşamaq hüquqlarını təmin
etməkdən ibarət olduğunu diqqətə çatdırıblar.
Tədbir ulu öndər Heydər
Əliyevə həsr olunmuş videoçarxın nümayişi ilə başa çatıb.