“Bavariya”nın prezidenti “Barsa”lını ittiham etdi
"Bavariya”nın prezidenti Uli Höness "Barselona”nın qapıçısı
Mark-Andre Ter Şteqeinin iradlarına münasibət bildirib.
Kaspi.az xəbər verir ki, Ter Şteqen Almaniya yığmasında ehtiyat
qapıçı olmasından şikayətlənmişdi. O "Barselona”da əsas qapıçı olsa da,
Almaniya yığmasında bunun nəzərə alınmadığını qeyd etmişdi. Höness bildirib ki,
Noyer bir nömrə olduğu üçün yığmada əsas qapıçıdır:
"Alman mətbuatı Ter Şteqeini elə təbliğ edir ki, sanki o, 17 dəfə
dünya çempionu olub. O, yığmada bir nömrə olmağı tələb edə bilməz. Bu məsələdə
heç bir başqa söhbətə yer yoxdur, Noyer bir nömrədir.
Biz icazə vermərik ki, futbolçumuzun reputasiyasına zərbə vursunlar. Ter
Şteqen yaxşı qapıçıdır. Ancaq bir nömrə Noyerdir. Noyer, sağlamlığı imkan
verənə qədər də yığmada bir nömrə olacaq”.