Bakı 14°C
Baş nazir: “Avropa İttifaqının parçalanmasından söhbət gedə bilməz”
Belçikanın baş naziri Şarl Mişel Brüsseldə səfərdə olan ABŞ vitse-prezidenti Mayk Pens iləgörüşüb.
APA-nın "Gazeta.ru”-ya istinadən verdiyi xəbərə görə, baş nazir görüşü konstruktiv adlandırıb.
"Avropa İttifaqının parçalanmasından söhbət belə gedə bilməz. Bu məsələ gündəmdə də deyil. Düşünürəm ki, bu fikri ABŞ-dakı həmkarlarımıza çatdıra bildik. Çox ehtimal ki, qarşı tərəf bizi anladı”, deyə Ş.Mişel bildirib.
Qeyd edək ki, bundan əvvəl ABŞ prezidenti Donald TrampBöyük Britaniyanın Avropa İttifaqından çıxmasını gözəl hadisə kimi dəyərləndirib.
Bu gün ABŞ-ın vitse-prezidenti Mayk Pens BrüsseldəAvropa İttifaqıŞurasının prezidenti Donald Tusk və Avropa Komissiyasının sədri Jan-Klod Yunkerlə görüşəcək.
