“Barselona”nın futbolçusu üzr istədi
"Barselona”nın futbolçusu İvan Rakitiç "Qranada” ilə oyunda baş verən
insidentə görə üzr istəyib.
Kaspi.az xəbər verir ki, Rakitiç oyunun gedişində "Qranada”nın
futbolçusu Andreas Pereyraya demişdi ki, onun komandasını La Liqanı tərk etmə
taleyi gözləyir. O, futbolçuya qarşı "əclaf oğlu” ifadəsi də işlətmişdi.
Rakitiçin hərəkəti videokameralara düşmüşdü. Futbolçu baş verən hadisəyə görə
üzr istəyib:
"Meydanda belə hallar baş verib. Ancaq mən üzr istəməyi özümə borc
bilirəm. Heç kimi incitmək istəmirdim. Təəssüf ki, belə hadisə baş verib.
"Qranada”nın bir çox futbolçularını tanıyıram. Heç bir halda onlara uğursuzluq
arzulamıram”.