Bakı 14°C
Barselonada törədilən terrorda 22 ölkənin vətəndaşları zərər çəkib
İlkin məlumata əsasən, İspaniyanın Barselona şəhərində baş vermiş
terror aktı nəticəsində 22 xarici ölkənin vətəndaşları zərər çəkib.
Trend-in xarici mətbuata istinadən vetdiyi məlumata görə, həmin
şəxslər Fransa, Almaniya, Niderland, Argentina, Venesuela, Belçika, Peru,
Rumıniya, İrlandiya, Kuba, Yunanıstan, Makedoniya, Böyük Britaniya, Avstriya,
Pakistan, Kanada, Ekvador, ABŞ, Filippin, Küveyt, Türkiyə və Çin
vətəndaşlarıdır.
Bundan əvvəl yerli hakimiyyət 18 dövlətin vətəndaşlarının zərər
çəkdiyini bildirirdi.
Qeyd edək ki, ötən gün axşam saatlarında İspaniyanın Barselona
şəhərində terrorçu mikroavtobusu insanların üzərinə sürüb. Hadisə şəhərin
mərkəzində, Rambla küçəsində qeydə alınıb.
Terror aktı nəticəsində 13 nəfər ölüb, xəsarət alanların sayı 119
nəfərə çatıb.
