Bakı 23°C
“Barsa”nın prezidenti inqilab olacağına inanır
"Barselona”nın prezidenti Xosep Mariya Bartomeu növbəti mövsümdə
komandadan gözlədiyi oyun planı barədə danışıb.
Kaspi.az xəbər verir ki, Bartomeu "Barsa”nın oyun planında kiçik
inqilaba ümid etdiyini deyib. O, yeni baş məşqçi Ernesto Valverdenin "Barsa”nı
rəqiblər üçün qarşısıalınmaz kluba çevirəcəyini güman etdiyini vurğulayıb:
"Son iki ildə rəqiblər "Barselona”nın oyun stilini çox öyrəniblər və
bizə qarşı necə oynamaq lazım olduğunu bilirlər. Bəlkə də elə bu səbəbdən biz
ötən mövsüm hər şeyi qazana bilmədik.
Heyətimizdə çox güclü futbolçular var. Ona görə də Valverde yeni
ideyalar tətbiq edə, kiçik inqilab törədə bilər. Özümüzün zəif cəhətlərimizi
bilirik və onun üzərində işləyəcəyik. Ümid edirəm ki, rəqiblər üçün
qarşısıalınmaz komanda olacağıq”.
