Bank VTB “Bakı-Moskva” rubl kartını istifadəyə verdi
Bank VTB (Azərbaycan)-ın "Bakı-Moskva” rubl kartı
ilə Rusiyada pul xərcləmək daha sərfəli oldu. Bankın yeni kartı Cash Back
funksiyası sayəsində Rusiya ərazisində nağdsız əməliyyatlar vasitəsilə xərclənən
məbləğin 0,5%-ni geri qaytarır.
"Bakı-Moskva” kartı nağdsız ödənişlərin aparılması,
eləcə də nağd vəsaitlərin çıxarılması üçün nəzərdə tutulan debet rubl kartıdır.
Kartın müddəti müştərinin seçimindən asılı olaraq 24 və 36 ay təşkil edir.
"Bakı-Moskva” kartı ilə digər ölkələrdə də istifadə
etmək mümkündür, bu zaman rubl müştəriyə tələb olunan valyutaya konvertasiya olunacaq.
Nağd valyutanın çıxarılması üçün VTB-nin güzəştli bankomat
şəbəkəsindən istifadə olunduqda komissiya bank VTB (Azərbaycan)-ın tariflərinə
uyğun tutulacaq. VTB-nin güzəştli bankomat şəbəkəsinə VTB (Azərbaycan), VTB
(Gürcüstan), VTB (Ukrayna), VTB (Qazaxıstan), VTB (Belarus), eləcə də Rusiyada
VTB24 və Poçta bank-ın ATM-ləri daxildir. Azərbaycan ərazisində güzəştli şəbəkəyə
PashaBank və AccessBank bankomatları daxildir.