Bakı Uşaq Teatrı cəzaçəkmə müəssisələrində 19 tamaşa nümayiş etdirib
Bakı Şəhər Mədəniyyət və Turizm Baş İdarəsinin Bakı Uşaq Teatrı oktyabr
ayında cəzaçəkmə müəssisələrində 19
tamaşa nümayiş etdirib. Bu tamaşaların uğurlu nümayişi ilə əlaqədar olaraq, Azərbaycan
Respublikası Narkomanlığa və Narkotik Vasitələrin Qanunsuz Dövriyyəsinə Qarşı
Mübarizə üzrə Dövlət Komissiyasının İşçi Qrupu tərəfindən teatra təşəkkür məktubu
ünvanlanmışdır.
İşçi qrupun rəhbəri Fəqan
Şahverdiyev tərəfindən göndərilən məktubda deyilir, Azərbaycan Respublikasının
2013-cü il 24 iyun tarixli 2966 nömrəli Sərəncamı ilə təsdiq edilmiş "Narkotik
vasitələrin, psixotrop maddələrin və onların prekursorlarının qanunsuz dövriyyəsinə
və narkomanlığa qarşı mübarizəyə dair
2013 – 2018 – cı illər üçün Dövlət Proqramı”nın icrası ilə əlaqədar cəzaçəkmə
müəssisələrində cəza çəkən şəxslər arasında anti-narkotik təbliğat işinin gücləndirilməsi
işində göstərdiyiniz fəal iştiraka görə
İntiqam Soltana və Bakı Uşaq Teatrına təşəkkürümüzü bildiririk.
Tamaşa interaktiv üslubda - seminar tamaşa janrında
hazırlanıb. Quruluşçu rejissoru teatrın bədii rəhbəri və direktoru İntiqam
Soltan, ssenari müəllifi Arzu Soltandır. Tamaşa maarifləndirici xarakter
daşıyır
Tamaşada
iştirak edirlər İntiqam
Soltan, İlhamə Əhmədova, Əli Quluu Səmədov, Türkan Şahmarlı, Rəfael Muradxanlı, Şahin
Kazımov, Günay Pirizadə və başqaları.