Bakı 23°C
Bakı-Şarm Əl-Şeyx birbaşa uçuşlar başladı
18 iyul 2019-cu il tarixində H. Əliyev Hava Limanında Bakı-Şarm Əl-Şeyx bir başa
reysinin açılışına hərs olunmuş mətbuat konfansı keçirildi. Tədbirdə Misir Ərəb
Respublikasının Azərbaycandakı Fövqəladə və Səlahiyyətli səfiri cənab Adel
İbrahim çıxış edərək Misir turizminin əvəllər olduğu kimi son illər
ərzində də yüksək dərəcələrə və rekord göstəricilərə nail olduğunu vurğulayaraq, beynəlxalq ekspertlərin
şahidliyi ilə Misirdə təhlükəsizliyin, sabitliyin olduğunu və Misir hökuməti
tərəfindən turistlərin təhlükəsizliyinin təmin edilməsi üçün bütün lazımi təhlükəsizlik qaydalarına riayət edildiyini və Misirin turizm bölgələrini ziyarət etmək arzusunda olan,
Qədim Misir mədəniyyəti ilə tanış olmaq istəyən azərbaycanlı turistləri qəbul
etməyə hazır olduğunu qeyd etdi. Səfir həmçinin Bakı-Şarm əl-Şeyx bir başa reysinin Misir və
Azərbaycan arasındakı turizm əlaqələrinin genişləndirilməsində böyük əhəmiyyət
daşıyacağını bildirdi.
Qeyd edək ki, Misirin istirahət zonası olan Şarm
Əl-Şeyxə bir başa uçuşlar 18 iyul tarixindən etibarən, həftənin cümə
axşamı Qazaxstanın Azərbaycandan beşinci
"hava azadlığı” hüququnu qazanan "SCAT Airlines” hava yollarının "Boeing 757” təyyarəsi ilə həyata
keçiriləcək.
Açılışda H.Əliyev Hava
Limanının direktoru Teymur Həsənov Qazaxstanın "SCAT Airlines” hava yollarının vitse-prezidenti
Vladimir Sitnik və digər nümayəndələr iştirak edirdilər.
