AzTU-da BP-nin Yay Təcrübə Proqramının təqdimatı keçirilib
Azərbaycan Texniki Universitetində
(AzTU) BP şirkətinin işə qəbul üzrə məsləhətçisi Mehriban Şeyxzamanova III-IV
kurs tələbələrinə BP-nin Yay Təcrübə Proqramının təqdimatını keçirib.
Tədbirdə universitetin Karyera Mərkəzinin rəhbəri
Fuad Məmmədov Yay Təcrübə Proqramının əhəmiyyətini
qeyd edərək tələbələrə proqramda iştirak etməyi tövsiyə edib.
BP-nin nümayəndəsi çıxışında Yay Təcrübə Proqramı
haqqında ətraflı məlumat verərək bildirib kiproqramın müddəti 10 həftədir. Qeyd
olunub ki, tələbələr təcrübə müddətində
davamlı əməkhaqqı almaqla yanaşı ən müasir avadanlıq və texnologiyalardan
istifadə etmək, yüksəkixtisaslı, təcrübəli əməkdaşlarla çalışaraq layihələrdə, əməliyyatlarda
iştirak imkanı qazanacaqlar. Vurğulanıb ki, proqram həmçinin, tələbələrin
karyera təşəbbüslərinin üzə çıxarılması üçün də əlverişli bir vasitədir.
Sonda M.Şeyxzamanova tələbələrin Yay Təcrübə
Proqramı ilə əlaqəli suallarını cavablandırıb.