Azərbaycan XİN Pakistanı təbrik edib

Azərbaycan Xarici İşlər Nazirliyi (XİN) Pakistanı Müstəqillik Günü münasibətilə təbrik edib.
Bu barədə XİN-in rəsmi "Twitter” səhifəsində yazılıb.
Təbrikdə deyilir: "Pakistan İslam Respublikasını Müstəqillik Günü münasibətilə ürəkdən təbrik edirik. Azərbaycan və Pakistanın güclü dostluq və tərəfdaşlıq münasibətləri var. Bu əlamətdar gündə qardaş Pakistan xalqına cansağlığı, sülh və firavanlıq diləyirik".