Azərbaycan poeziyasının ruhu Londonun aparıcı “Foyles” kitab mağazasında
Azərbaycanın
zəngin ədəbi irsi-poeziyaxəzinəsinin inciləribu günlərdə Avropa Azərbaycan
Cəmiyyəti (TEAS) tərəfindən təşkil edilmiş Azərbaycan – Britaniya Poeziya Gecəsində
diqqət mərkəzində olub. Poeziya sevərləri bir araya gətirən tədbir 1903-cü ildə
fəaliyyətə başlamış Londonun ən məşhur kitab mağazası olan "Foyle” də
keçirilib. Gecədə 100-dən artıq ədəbiyyat sevərlər və Azərbaycanın dostları
iştirak edib. Azərbaycan Yazıçılar Birliyininьzvь, şairə Nigar Həsənzadənin
aparıcılığı ilə keçən tədbirdə Azərbaycanın klassik və müasir şairlərinin
ingilis dilinə tərcümə edilmiş şerləri səsləndirilib. Şerlər Ayan Salahova
(piano) və Əttab Həddadın (ud) ifasında ecazkar musiqi ilə müşayiət olunub. Şer
oxuyanlar arasında Britaniyanın tanınmış televiziya aparıcılarından biri
Bekenhamdan Baronessa Benjamin da var idi.
Gecədə Azərbaycanın
böyük poeziya ustaları Abdulla Şaiq, Bəxtiyar Vahabzadə, Vaqif Səməoğlu,
Mikayıl Müşfiq və Əhməd Cavadın seçilmiş şerləri səsləndirilib.
Britaniya
poeziyasını təmsil edənlər arasında şairə, romançı, pyes yazıçısı və tərcüməçi
Eleyn Feinstayn, şair, romançı və tənqidçi Rut Padel, şairə, yazıçı,
"PoetryFest” festivalının təsisçi direktoru, "Orient Express” jurnalının təsisçi redaktoru Fiona Sampson,
şair, sennarist, romançı Devid Harsent olmuşdur.
Britaniyada təhsil
alan tələbə Tural Qafarlı müasir ingillisdilli azərbaycanlı şairə Leyli
Salayevanın "Slopes of Hopes” (Ümidlərin yamacları) adlı şerini oxuyub. Bu zaman
arxa fonda Ermənistan tərəfindən işğal edilmiş Azərbaycanın Dağlıq Qarabağ
regionundan arxiv görüntülər və Qarabağdan olan uşağın ifa etdiyi muğam parçası
səsləndirilib. Burada diqqət Dağlıq
Qarabağın Şuşa şəhərinə cəlb edilir.
Avropa Azərbaycan
Cəmiyyətinin Böyük Britaniya ofisinin direktoru Cek Peqoraro: "Azərbaycan müxtəlif
mədəniyyətlərin qovuşduğu bir məkandır və bir çoxları Britaniyanın bu gözəl ölkə
ilə nə qədər ortaq nöqtələri olduğunu bilmir. Bu cür tədbirlər bizim
oxşarlıqları qeyd etməyə və hər iki ölkənin heyrətamiz ədəbi və musiqi mədəniyyəti
ilə yaxından tanış olmaq imkanını yaradır.”