Bakı 24°C
Azərbaycan neft-qaz sektorunun əməliyyat hesabının profisiti 4,4 milyard dollardır
2016-cı ildə Azərbaycanda tədiyə balansının cari əməliyyat hesabının kəsiri 1,36 milyard dollar təşkil edib.
Trend bu barədə Azərbaycan Mərkəzi Bankının tədiyə balansına istinadən məlumat verir.
Balansdan məlum olur ki, ötən il Azərbaycan neft-qaz sektorunun cari əməliyyat hesabının profisiti 4,4 milyard dollar təşkil edib. 2015-ci ildə bu göstərici 6,55 milyarda bərabər idi.
2016-cı ildə xarici ticarət dövriyyəsinin ümumi həcmi 22,2 milyard dollar təşkil edib.
Hesabat dövründə Azərbaycan 186 ölkə ilə ticarət əməliyyatları həyata keçirib.
2016-cı ilin yekunlarına görə, Azərbaycanın ehtiyat aktivləri 539 milyon dollar həcmində azalıb. 2015-ci ildə azalma 11,33 milyard dollara bərabər idi.
