• cümə, 29 Mart, 10:51
  • Baku Bakı 5°C

Azərbaycan Dillər Universitetinə publik hüquqi şəxs statusu veriləcək

16.06.17 20:04 983
Azərbaycan Dillər Universitetinə publik hüquqi şəxs statusu veriləcək
Azərbaycan prezidentiİlham ƏliyevAzərbaycan Dillər Universitetinin yenidən təşkili haqqında sərəncam imzalayıb.

APA-nın məlumatına görə, Azərbaycan Dillər Universiteti Azərbaycan Respublikası Təhsil Nazirliyinin tabeliyində publik hüquqi şəxs statusuna malik olan Azərbaycan Dillər Universitetinə çevrilmə yolu ilə yenidən təşkil edilib.

Nazirlər Kabinetinə publik hüquqi şəxsin nizamnaməsinin layihəsini və təsisçisinin səlahiyyətlərini həyata keçirənlər barəsində təkliflərini iki ay müddətində hazırlayıb Azərbaycan prezidentinə təqdim etmək tapşırılıb.

Publik hüquqi şəxs "Hüquqi şəxslərin dövlət qeydiyyatı və dövlət reyestri haqqında” qanunu ilə müəyyən edilmiş qaydada dövlət qeydiyyatına alındığı günədək, Azərbaycan Dillər Universiteti öz fəaliyyətini davam etdirəcək.
banner

Oxşar Xəbərlər