AZE | RUS | ENG |


Azər Paşa Nemətov: "Fuad Poladova dəstək və köməklik göstərəcəyik"

Azər Paşa Nemətov:
"Həm Teatr Xadimləri İttifaqı, həm də Akademik Milli Dram Teatrı olaraq biz hər zaman istedadlı aktyor kimi Fuad Poladova dəstək olmuşuq. Bu dəstək və köməklik bundan sonra da davam edəcək”.
 
Bunu APA-ya açıqlamasında Teatr Xadimləri İttifaqının sədri, Akademik Milli Dram Teatrının bədii rəhbər-direktoru, xalq artisti Azər Paşa Nemətov deyib.
 
O bildirib ki, xalq artisti Fuad Poladovun xəstəlik xəbəri teatr ictimaiyyətini təəssüfləndirib: "Bu xəbər bizim hamımızı təəssüfləndirdi, hamımız təsirləndik. Fuad Poladov istedadlı aktyor, bacarıqlı sənətkar kimi hər zaman öz rolları ilə tamaşaçıları sevindirib. O, mənim quruluş verdiyim bir neçə tamaşada çıxış edib, yaddaqalan obrazlar yaradıb. Bizi Fuad Poladovla təkcə teatr sevgisi və həmkar təəssübkeşliyi birləşdirmir. Bizi həm də uzun illərin isti münasibəti bir-birinə bağlayır.
 
Həm Teatr Xadimləri İttifaqı, həm də Akademik Milli Dram Teatrı olaraq hər zaman istedadlı aktyor kimi Fuad Poladova dəstək olmuşuq. Bu dəstək və köməklik bundan sonra da davam edəcək. İnanıram ki, digər teatrlar da imkan daxilində onun yanında olacaqlar. Xəstəlikdən heç kim sığortalanmayıb. İndi Fuad Poladov bu xəstəliyin ilkin mərhələsindədir. Özü də açıqlamasında bildirmişdi ki, ölkəmizdəki həkimlərə və avadanlıqlara güvənir. İnanıram ki, Fuad Poladov ruhdan düşməyəcək, tez sağalacaq, biz onu yenə də tamaşaçıları ilə bir yerdə görəcəyik. Allah şəfa versin, tamaşaçılarının alqışı, onların gül dəstələri ilə üz-üzə dayansın. İnanıram ki, belə də olacaq”, - deyə, Azər Paşa Nemətov bildirib. 
 
Qeyd edək ki, bir neçə gün əvvəl xalq artisti Fuad Poladovda xərçəng aşkar olunub. 





Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0042
GEL 1 Gürcü larisi 0.6373
GBP 1 İngilis funt sterlinqi 2.2678
TRY 1 Türk lirəsi 0.4429
KWD 1 Küveyt dinarı 5.6260
SEK 1 İsveç kronu 0.1996
EUR 1 Avro 2.0012
CHF 1 İsveçrə frankı 1.7140
USD 1 ABŞ dolları 1.7000