Bakı 22°C
“AZE Nakhchivan SK” futbol klubu almanlara təqdim edilib
Dünya
Azərbaycanlıları Assambleyasının təşəbbüsü ilə yaradılan "AZE Nakhchivan SK”
futbol klubunun mərkəzi ofisində klubun tanıtım tədbiri keçirilib. Tədbirdə
yerli futbol həvəskarları, futbol mütəxəssisləri, Türkiyə təşkilatlarının təmsilçiləri iştirak
ediblər. DAA-dan "Kaspi”yə verilən məlumata görə, tədbiri giriş sözü ilə açan
klubun rəhbəri Aydın Karaca Naxçıvan Muxtar Respublikası haqqında qonaqlara
məlumat verib. Bu bölgənin zəngin tarixindən, önəmli coğrafi mövqeyindən,
naxçıvanlıların qonaqpərvərliyi, dostluğa münasibətindən, son dönəmlər
Naxçıvanda həyata keçirilən islahatlardan, blokadada olmasına baxmayaraq yerli
imkanlar hesabına əldə edilən uğurlardan söz açıb , bu bölgənin İranla Türkiyə
arasında yerləşən strateji əhəmiyyətli bir muxtar vilayət olduğunu qeyd edib.
Daha
sonra klubun gələcək planları, komandanın qurulması ilə bağlı strategiyasından
danışan klubun sportif müdiri Zafer Özcan, klubumuzun demokratik prinsiplər
əsasında idarə olduğunu qeyd edib, klubun yararlı təkliflər üçün hər zaman xoş
niyyətli olduqlarını iştirakçıların diqqətinə çatdırıb. Daha sonra təqdimatın
sorğu-sual bölümünə keçilmiş
iştirakçılar həm Naxçıvanla, eyni zamanda klubla bağlı suallarını
təşkilatçılara ünvanlayıblar.
Sonda
DAA prezidenti Rəşad Quliyev komandanın adının "Naxçıvan” adlanmasının
səbəbləri ilə bağlı mövzuya toxunub. Belə ki, bu bölgənin tarixən təcavüzə,
iqtisadi, ticari, siyasi blokadaya məruz qaldığını anladıb, bölgənin
zənginlikləri ilə bağlı geniş ictimaiyyətə məlumat verməyin vasitələrindən
birinin də məhz idman olduğunu qeyd edib. Gələcəkdə "AZE Nahchivan” klubunu
professional səviyyəyə gətirərək Naxçıvanın adının dillər əzbərinə
çevirəcəklərindən əminliyini bildirib. "Təbii ki, gələcəkdə dəstəyimiz olarsa
klub Avropada səs gətirəcək bir komandaya çeviriləcək”. DAA prezidenti gələnlərə
təşəkkür edərək, təşkilati işlərdə öz dəstəklərini göstərənlərə minnətdarlığını bildirib.
Sonda
Naxçıvanla bağlı videorolik göstərilib və qonaqlara axşam yeməyi
verilib.
